واشنگٹن(این این آئی)فلمی دنیا کے سب سے معتبر سمجھے جانے والے آسکرز ایوارڈ کی نامزدگیوں کا اعلان کردیا گیا۔نیٹ فلکس کی ہسپانوی زبان کی فلمEmiliaPerezنے آسکرز کی سب سے زیادہ 13نامزدگیاں جبکہ فلم The Brutalist اورWickedنے 10،10نامزدگیاں حاصل کیں۔تینوں فلمیں آسکرز ایوارڈ میں بہترین فلم کا ٹائٹل جیتنے کیلئے مقابلہ کریں گی۔بہترین اداکارہ کے ایوارڈ کیلئے Emilia Perezکی اسٹار کارلا سوفیا کو بھی نامزد کیا گیا ہے جبکہ اداکارہ ڈیمی مور نے 4دہائیوں کے کیریئر میں پہلی بار آسکر نامزدگی حاصل کی۔بہترین اداکارہ کیلئے سنتھیا اریوو، مائیکی میڈیسن اور فرنینڈا ٹورس بھی نامزد ہیں۔دوسری جانب بہترین اداکار کی کیٹیگری میں ایڈرین بروڈی، تمیتھی شیلیمے، کولمین ڈومنگو، رالف فائنز اور سیبیسٹین اسٹین نامزد ہیں۔واضح رہے کہ لاس اینجلس کے جنگلات کی آگ کی وجہ سے نامزدگیوں کو 2بار ملتوی کیا گیا تھا۔جنگلات کی آگ سے 28افراد ہلاک ہوچکے ہیں۔97ویں آسکرز ایوارڈ 2مارچ 2025کو منعقد ہونے ہیں۔
