لاہور( این این آئی)پاکستان مسلم لیگ (ن)کے سینئر رہنما سینیٹر عرفان صدیقی نے کہا ہے کہ ممنوعہ فنڈنگ کیس میں پاکستان تحریک انصاف کے خلاف الیکشن کمیشن کے حالیہ فیصلے نے عمران خان کو مکمل طور پر بے نقاب کردیا ہے۔ ایک انٹر ویو میںگفتگو کرتے ہوئے انہوں نے کہا کہ عمران خان کی دیانتداری اور سچائی کے بارے میں تمام دعوے اور کہانیاں اس فیصلے کے بعد ماضی کے قصے بن گئے ہیں۔ عرفان صدیقی نے کہا وہ عمران خان کو آنے والے دنوں میں قومی سیاست میں نہیں دیکھ رہے۔ایک سوال کے جواب میں انہوں نے کہا کہ پاکستان مسلم(ن)کے قائد نواز شریف کی اب ملک میں واپسی دنوں یا ہفتوں کی بات ہے۔
