مانچسٹر(این این آئی)پاکستان تحریک انصاف کے رہنما اور سابق صدر عارف علوی کا کہنا ہے پی ٹی آئی پاکستان کی سلامتی کیلئے مذاکرات پر تیار ہے لیکن دوسری طرف سے کوئی پیشرفت نہیں ہو رہی۔سابق صدرعارف علوی نے کہاکہ پاکستان کی سلامتی کیلئے پی ٹی آئی مذاکرات کیلئے تیارہے،مذاکرات کیلئے دوسری طرف سے پیش رفت نہیں ہورہی۔مانچسٹر میں ایک تقریب کے دوران گفتگو کرتے ہوئے سابق صدر عارف علوی کا کہنا تھا تحریک انصاف پہلگام واقعے کی مذمت کرتی ہے۔عارف علوی کا کہنا تھا پاکستان کی سلامتی کے لیے پی ٹی آئی مذاکرات کے لیے تیار ہے، لیکن مذاکرات کے لیے دوسری طرف سے پیشرفت نہیں ہو رہی۔سابق صدر مملکت کا کہنا تھا وطن سے محبت اور قربانی سے دریغ نہ کرنے والے اوورسیز پاکستانی ہمارا سرمایہ ہیں۔
