کراچی(این این آئی)وفاقی وزیر برائے تخفیف غربت و سماجی تحفظ شازیہ مری نے کہا ہے کہ شہباز گل کا بیانیہ عمران خان کا بیانیہ ہے، عمران خان خود کو آئین اور قانون سے بالاتر سمجھتے ہیں ،عمران خان کے شر اور فتنے سے ادارے بھی محفوظ نہیں رہے۔پیر کو جاری بیان کے مطابق شازیہ مری نے کہا ہے کہ عمران خان کی 2014 سے 2018 تک کی فارن فنڈنگ کی تحقیقات ہونی چاہئے ،یہ تحقیقات بہت ضروری ہے۔انہوں نے کہا کہ پاکستان میں انتشار پھیلانے کے لئے عمران خان کی فنڈنگ کی گئی تھی، پیسے کی طاقت پر عمران خان کی زبان لمبی ہوگئی ہے۔
