اسلام آباد (این این آئی)وفاقی وزیر بجلی خرم دستگیر جمعرات کو تھرکول پاور پراجیکٹ کا دورہ کریں گے۔ منگل کو ترجمان پاور ڈویژن کے مطابق وزیراعظم کی ہدایت پر سی پیک کے تھر کوئلے پر مبنی 1980 میگا واٹ کے سستی بجلی کے پلانٹس پر کام پر تیزی سے جاری ہے،سستی بجلی کے پلانٹس سے اگلے چند مہینوں میں پیداوار شروع کرانے کیلئے وفاقی وزیر بجلی جمعرات کو تھر کا دورہ کریں گے اور تھرکول منصوبہ پر پیشرفت کا جائزہ لیں گے۔ ترجمان نے کہا کہ حکومت سستی بجلی کی فراہمی کیلئے تمام وسائل بروئے کار لا رہی ہے۔
