اسلام آباد (این این آئی)چیئرمین پاکستان تحریک انصاف عمران خان نے سیلاب متاثرین کے لیے ٹیلی تھون اور جلسوں میں فنڈ ریزنگ کریں گے۔عمران خان کی زیر صدارت پی ٹی آئی قیادت کا اجلاس ہوا، اس موقع پر ڈاکٹر ثانیہ نشتر کی سربراہی میں کمیٹی بنائی گئی جو تمام صوبوں میں متاثرین تک فنڈز پہنچائے گی۔ذرائع کے مطابق اجلاس میں طے پایا کہ عمران خان سیلاب متاثرین کیلئے ٹیلی تھون اور جلسوں میں فنڈ ریزنگ کریں گے۔پی ٹی آئی سربراہ نے کہا کہ حقیقی آزادی کی تحریک فلڈ ریلیف سرگرمیوں کے ساتھ چلتی رہے گی، پیر کو سیلاب متاثرین کیلئے فنڈ اکٹھا کرنے کیلئے ٹیلی تھون کروں گا۔انہوں نے کہا کہ پی ٹی آئی کے ٹائیگرز کو امدادی کاموں کیلیے رضا کارانہ طور پر متحرک کیا جائے گا۔عمران خان نے کہا کہ ڈاکٹر ثانیہ نشتر کے تحت کمیشن امداد سیلاب متاثرین تک پہنچائے گا۔
