راولپنڈی (این این آئی)عوامی مسلم لیگ کے سربراہ شیخ رشید احمد نے کہا ہے کہ سیلابی، سیاسی اور معاشی ریلہ پی ڈی ایم کو بہالے گیا۔اپنے بیان میں شیخ رشید نے کہا کہ بلاول لاڑکانہ کی اور فضل الرحمٰن ڈی آئی خان کی عوام میں جانے کی پوزیشن میں نہیں۔اْنہوں نے کہا کہ مفتاح اسماعیل تو بہانہ ہے اصل نشانہ شہباز شریف سے اپنی نااہلی کے کیس ختم کروانا ہے۔اْنہوں نے کہا کہ ملک کا سارا انفرااسٹرکچر برباد ہوگیا، چاروں صوبوں میں فوج مدد کیلیے آگئی ہے۔شیخ رشید نے کہا کہ مہنگائی کی شرح 45 فیصد بڑھ گئی، پٹرول بھی 20 روپے فی لیٹر بڑھنیلگا ہے۔اْنہوں نے حکمران اتحاد کی کارکردگی پر تنقید کرتے ہوئے کہا کہ غریب آدمی کی زندگی5 مہینے میں تباہ و برباد ہوگئی ہے۔اْنہوں نے انکشاف کیا کہ نوازشریف نے شہباز شریف سے کہا ہے کہ اگلی بات تب ہوگی جب میرے اور مریم کے نااہلی کیس ختم ہونگے۔
