لاہور( این این آئی) سابق وزیر داخلہ شیخ رشید نے کہا ہے کہ حکمران خواب غفلت سے باہرنہیں آئے،شہبازشریف نے نوازشریف کے بیانیے کوزمین بوس کردیا ہے،بھارت سے تجارت اوردوحہ میں مشکوک میٹنگ سوالیہ نشان ہے۔ ٹوئٹر پر جاری بیان میں شیخ رشید نے کہا کہ وفاقی وزراء کی تعداد آئین اورقانون کی پابندی کی حدکو پارکر گئی ہے۔سیلاب تو چلا جائے گا لیکن غریب عوام مزید تباہی اور مہنگائی کے سیلاب میں آئیں گے۔انہوںنے کہا کہ بلاول نے ایک گھنٹے میں کھربوں میں چندہ لے کردنیا کو انگشتِ بدنداں کردیا ہے،سندھ کا کوئی وزیرعوام میں جانے کی جرات نہیں کررہا،سیلابی تباہی پربھی کمپنی کی مشہوری کامقابلہ جاری ہے،25کلومیٹر کی بھکاری حکومت نہ تخمینہ لگا سکی نہ منصوبہ بندی کرسکی،یہ ایجنڈامکمل ہونے پرنکال دئیے جائیں گے۔
