مریم نواز نے گلگت بلتستان کے انتخابی نتائج کو متنازعہ بنانے کی منصوبہ بندی کی، مسرت جمشید چیمہ

0
419

لاہور( این این آئی)چیئر پرسن قائمہ کمیٹی داخلہ مسرت جمشید چیمہ نے کہا ہے کہ مسلم لیگ (ن) کے سنجیدہ لوگوںکیلئے مفت مشورہ ہے کہ اگر انہوںنے رہی سہی پارٹی کو بچانا ہے تو انہیں ہمت کر کے مریم صفدر کو جاتی امراء تک محدود کرنا ہوگا ،مریم صفدر کااپنے والد اور چچا کی سیاست کا سوا ستیا ناس کرنے کاٹریک ریکارڈ ہے اور اب وہ پیپلز پارٹی سمیت دیگر جماعتوں کو بھی اپنے نرغے میں لینا چاہتی ہیں۔ اپنے دفتر میں خواتین رہنمائوںکے وفد سے گفتگو کرتے ہوئے مسرت جمشید چیمہ نے کہا کہ پیپلزپارٹی کے سینئر لوگ شروع دن سے کہہ رہے ہیں کہ اگر ماضی کو دیکھاجائے تو مسلم لیگ (ن) قابل اعتبار جماعت نہیں اور مریم نواز نے گلگت بلتستان کے انتخابی نتائج کو متنازعہ بنانے کی منصوبہ بندی کے معاملے پربلاول زرداری سے ہاتھ کرکے اس کا عملی ثبوت دیدیا ہے۔ انہوںنے کہا کہ اگر مریم نواز یہ سمجھتی ہیںجس طرح انہیں جاتی امراء میں ایک مقام اور مرتبہ حاصل ہے ملک کی سیاست میںبھی انہیںوہی مقام مل جائے گا تو یہ ان کی بہت بڑی بھول ہے ۔ مریم بتائیں اقتدار کے ذریعے کرپشن کرنے والے خاندان کا فرد ہونے کے علاوہ ان کی ملک کیلئے کیا خدمات اورجدوجہد ہیں