کابل (این این آئی)وزیر خارجہ شاہ محمود قریشی نے کہا ہے کہ افغانستان میں دیرپا اور مستقل قیام امن کیلئے، بین الافغان مذاکرات کا کامیابی سے ہمکنار ہونا ناگزیر ہے ،وزیر اعظم عمران خان شروع سے اسی موقف پر قائم ہیں کہ افغان مسئلے کو طاقت کے ذریعے حل نہیں کیا جا سکتا،پاکستان، ہمیشہ افغانستان میں دیرپا اور مستقل قیام امن کیلئے، افغان قیادت میں، افغانوں کو قابلِ قبول مذاکرات کا حامی رہا ہے ،خطے کا امن و استحکام، افغانستان میں قیام امن سے مشروط ہے۔وزیر خارجہ شاہ محمود قریشی نے وفد کے ہمراہ کابل میں افغانستان کے وزیر خارجہ محمد حنیف آتمر کیساتھ ملاقات کی جس میں مشیر تجارت عبدالرزاق داؤد، سیکرٹری خارجہ سہیل محمود اور افغانستان میں پاکستان کے نمائندہ خصوصی ایمبیسڈر محمد صادق بھی وزیر خارجہ کے ہمراہ، اس ملاقات میں شامل تھے۔دوران ملاقات دو طرفہ تعلقات ، افغان امن عمل ،خطے میں امن و امان کی صورتحال سمیت باہمی دلچسپی کے مختلف امور پر تبادلہ خیال کیاگیا ۔افغان وزیر خارجہ نے افغانستان آمد پر وزیر خارجہ مخدوم شاہ محمود قریشی کو خوش آمدید کہا۔وزیر خارجہ مخدوم شاہ محمود نے پرتپاک خیر مقدم پر افغان ہم منصب کا شکریہ ادا کیا ۔ شاہ محمود قریشی نے کہاکہ پاکستان اور افغانستان کے مابین، گہرے ،دیرینہ، ،تہذیبی اور تاریخی برادرانہ تعلقات ہیں وزیر خارجہ نے کہاکہ وزیر اعظم عمران خان شروع سے اسی موقف پر قائم ہیں کہ افغان مسئلے کو طاقت کے ذریعے حل نہیں کیا جا سکتا ۔مخدوم شاہ محمود قریشی نے کہاکہ پاکستان، ہمیشہ افغانستان میں دیرپا اور مستقل قیام امن کیلئے، افغان قیادت میں، افغانوں کو قابلِ قبول مذاکرات کا حامی رہا ہے ۔
