راولپنڈی(این این آئی)سابق وزیر داخلہ شیخ رشید نے کہا ہے کہ بیک ڈور مذاکرات ہمیشہ ناکام ہوئے ہیں،جتنی مشکل سے نوازشریف باہر گئے اتنی آسانی سے واپس نہیں آئیں گے۔ایک بیان میں شیخ رشید نے کہا کہ بیک ڈور مذاکرات ہمیشہ ناکام ہوئے ہیں، ضمنی انتخابات کے نتائج کے بعد پی ڈی ایم الیکشن سے بھاگ گئی ہے۔انہوں نے کہا کہ جتنی مشکل سے نوازشریف باہر گئے اتنی آسانی سے واپس نہیں آئیں گے، ان کے وزرا کی تعداد 76 ہے، 20 بے محکمہ ہیں جب کہ 25 نے گوشوارے جمع نہیں کرائے۔سابق وزیر نے کہا کہ گردشی قرضہ ہوش ربا سطح تک پہنچ گیا ہے، اکتوبر نومبر میں آر پار ہوکر رہیگا۔
