راولپنڈی(این این آئی)سابق وزیر داخلہ اور عوامی مسلم لیگ کے سربراہ شیخ رشید نے دعویٰ کیا ہے کہ (ن) لیگ کی پارٹنر شپ ٹوٹنے والی ہے۔ٹوئٹر پر جاری بیان میں شیخ رشید نے کہا کہ ملک کی ساری سیاست اہم تعیناتی کے گردگھوم رہی ہے اور شہبازشریف شوپیس ہے۔انہوں نے کہا کہ فیصلے اور رابطے لندن سے ہورہے ہیں جہاں مایوسی چھائی ہے ، (ن) لیگ کی پارٹنر شپ ٹوٹنے والی ہے۔سابق وزیر نے کہا کہ اسحاق ڈار چین اور روس کا نام لینے سے پہلے شہباز شریف سے پوچھ لیں، رانا ثنااللہ کی بڑھکیں ان کے گلے پڑنے والی ہیں، دس پندرہ دن میں پتا چل جائیگا کہ کال آتی ہے یا کال پڑتا ہے۔
