اسلام آباد (این این آئی)وفاقی دارالحکومت اسلام آباد میں عمران خان پر حملے کیخلاف احتجاج کرنے والے 24 پی ٹی آئی رہنماں کے خلاف مقدمات درج کرلیے گئے۔پی ٹی آئی رہنمائوں کیخلاف مقدمات تھانہ آئی نائن میں درج کیے گئے ہیں جن میں علی احمد اعوان، عامر کیانی، واصف قیوم اور چوہدری شعیب شامل ہیں۔ایف آئی آر کے مطابق ملزمان نے پولیس کے ساتھ مزاحمت کی، سرکاری املاک کو نقصان پہنچایا، پولیس اور ایف سی اہلکاروں پر ڈنڈوں، پتھروں سے حملہ کیا۔ایف آئی آر میں کہا گیا کہ ملزمان کے پتھرا سے ایف سی کے 9 اورپولیس کے 5 اہل کار زخمی ہوگئے جب کہ 30 افراد گرفتارکرلیے گئے۔تحریک انصاف کے کارکنوں نے گزشتہ روزکراچی، لاہور اور راول پنڈی میں ہنگامہ آرائی میں املاک کو نقصان پہنچایا۔
