لاہور ( این این آئی) وزیر اعظم کے معاون خصوصی و مسلم لیگ (ن) کے مرکزی رہنما عطاء تارڑ نے کہا ہے کہ ہمارا مومنہ وحید سے کوئی رابطہ نہیں ہے، الزامات لگانا نامناسب عمل ہے۔انہوںنے نجی ٹی وی سے گفتگو کرتے ہوئے کہا کہ 10 سیٹوں والے وزیراعلیٰ کو مسلط کیا جائے گا تو وہ کتنی دیر چلے گا۔انہوں نے دعویٰ کیا کہ ہمارے پاس پنجاب اسمبلی میں 186نمبرز ہیں، اگر ان کے پاس 186ارکان ہوتے تو فوری طور پر اعتماد کا ووٹ لے چکے ہوتے، جہانگیر ترین ہمارے ساتھ کھڑے ہیں، ان کی بھی حمایت حاصل ہے۔
