اسلام آباد (این این آئی)الیکشن کمیشن آف پاکستان نے کہا ہے کہ کراچی، حیدرآباد میں بلدیاتی انتخابات (کل) اتوار کو ہی ہوں گے۔ترجمان صوبائی الیکشن کمیشن کے مطابق الیکشن کمیشن آف پاکستان میں بلدیاتی انتخابات کے التوا کی درخواست پر غور کیلئے اجلاس ہوا۔ذرائع کے مطابق اجلاس میں سیکرٹری الیکشن کمیشن عمر حمید وڈیو لنک کے ذریعے شریک ہوئے۔ الیکشن کمشنرسندھ اعجاز انور بھی وڈیو لنک کے ذریعے اجلاس میں شریک ہوئے۔واضح رہے کہ سندھ حکومت نے (کل) اتوار کو کراچی اور حیدرآباد میں ہونے والے بلدیاتی انتخابات ملتوی کرنے کیلئے صوبائی الیکشن کمشنر کو خط لکھا تھا۔ خط میں درخواست کی گئی تھی کہ کراچی اور حیدرآباد میں ہونے والے انتخابات ملتوی کیے جائیں۔
