اسلام آباد (این این آئی)پاکستان تحریک انصاف کے رہنما فواد چوہدری نے کہا ہے کہ دو اسمبلیاں ٹوٹ گئیں۔ دس پندرہ دنوں میں وفاقی حکومت سے بھی جان چھوٹ جائے گی۔اپنے بیان میں انہوں نے کہا کہ دو اسمبلیوں کے الیکشن سے ملک ساٹھ فیصد انتخابات کی طرف جارہا ہے۔فواد چوہدری نے کہا کہ وفاقی حکومت ضد چھوڑ کر عام انتخابات کرائے۔یاد رہے کہ پنجاب اسمبلی کے بعد خیبرپختونخوا (کے پی) کی اسمبلی بھی تحلیل ہو چکی ہے، گورنر کے پی نے وزیر اعلیٰ محمود خان کی جانب سے اسمبلی تحلیل کرنے کی سمری پر دستخط کردیے ہیں۔اس سے قبل اپنے ایک بیان میں پی ٹی آئی کے رہنما فواد چوہدری نے کہا تھا کہ ان کی جماعت کے پاس حکومت کو دینے کیلیے مزید سرپرائز موجود ہیں۔رہنما پی ٹی آئی نے کہا تھا کہ ن لیگ اور پیپلز پارٹی کے کئی لوگ تحریک انصاف میں آنے کے لیے رابطے میں ہیں۔
