اسلام آباد (این این آئی)وفاقی وزیر اطلاعات مریم اور نگزیب نے کہا ہے کہ حکومت میڈیا کی آزادی پر کامل یقین رکھتی ہے،صحافیوں کی گروپ انشورنس کے لئے عملی اقدامات اٹھائے جا رہے۔ جاری اعلامیہ کے مطابق مریم اورنگزیب سے مری پریس کلب کے وفد نے ملاقات کی جس میں مری کی سیاحتی اہمیت، پریس کلب اور صحافیوں کو درپیش مسائل سمیت دیگر اہم امور پر تبادلہ خیال کیاگیا ۔مریم اور نگزیب نے کہاکہ حکومت میڈیا کی آزادی پر کامل یقین رکھتی ہے۔ وفاقی وزیر نے کہاکہ صحافیوں کی گروپ انشورنس کے لئے عملی اقدامات اٹھائے جا رہے۔ وزیر اطلاعات و نشریات نے کہاکہ صحافیوں کی تنخواہوں کی ادائیگی کے حوالے سے اہم ترامیم لائی جا رہی ہیں۔ وزیر اطلاعات نے کہاکہ صحافیوں کے مسائل سے آگاہ ہیں، ان کے حل کے لئے ہر ممکن اقدامات اٹھا رہے ہیں۔ وفاقی وزیر اطلاعات نے وفد کے مسائل سنے اور ورکنگ جرنلسٹس کی سیفٹی، ٹریننگ سمیت انہیں درپیش مسائل کے حل کی یقین دہانی کرائی۔وفد میں مری پریس کلب کے صدر عبدالحمید عباسی، چیئرمین شفقت عباسی، جنرل سیکرٹری یاسر عباسی، سینئر ارکان اویس الحق اور ابوذر عباسی شامل تھے۔
