لاہور( این این آئی)وزیر اعظم کے مشیر برائے امور کشمیر و گلگت بلتستان قمر زمان کائرہ نے کہا ہے کہ آئین میں تمام آئینی عہدوں کی ذمہ داریوں کا تعین کر دیا گیا ہے ، سب کو آئین کی پاسداری کرنی چاہیے ،یہاں لیڈرضمانتیں لے رہے ہیں اور کارکنوں کو زبردستی جیلوں میں دھکیل رہے ہیں ، سیاست میں اس طرح کا دوہرا معیار نہیں چل سکتا ،بابائے سوشلزم شیخ محمد رشید کی قربانیوں کا تذکرہ کرنے کیلئے الفاظ نہیں ہیں،ذوالفقار علی بھٹو ان کابے حد احترام کرتے تھے۔ ان خیالات کا اظہار انہوںنے پیپلز پارٹی کے سینئر وائس چیئرمین،وفاقی وزیر بابائے سوشلزم مرحوم شیخ محمد رشید کی بیسویں برسی کی مناسبت سے منعقد ہ تقریب سے خطاب کرتے ہوئے کیا ۔ اس موقع پر سید حسن مرتضی ،رانا فاروق سعید،اسلم گل،چودھری منظور احمد،فیصل میر،خالد بٹ،قیوم نظامی ،میاں منیر،شاہدہ جبیں،عزیز الرحمن چن،مشتاق لاشاری،ڈاکٹر مظہر عباس،سعید ہاشمی،چیئرمین برابری پارٹی جود احمد،دانشور فرخ سہیل گوئندی، علامہ اقبال اوپن یونیورسٹی کے ڈائریکٹر رسول بخش بہرام،پیر ناظم حسین شاہ،سینئر صحافی افضل ایوبی،سابق صدر لاہور ٹیکس بار قاری حبیب الرحمن زبیری ،رضا اشفاق سمیت سیاسی وسماجی شخصیات کے علاوہ شہریوں کی کثیر تعداد موجود تھی۔شرکاء کی جانب سے مرحوم بابائے سوشلزم شیخ محمد رشید اور کے ساتھیوں کی پیپلزپارٹی اور عوام کے لئے خدمات پر بھرپور خراج عقیدت پیش کیا گیا ۔ اس موقع پر اجتماعی فاتحہ خوانی بھی کی گئی ۔
مقبول خبریں
پاکستان میں جمہوریت کی مضبوطی کیلئے مادر جمہوریت بیگم نصرت بھٹو کے نظریے کو...
اسلام آباد (این این آئی)صدر مملکت آصف علی زرداری نے پاکستان میں جمہوریت کی مضبوطی کیلئے مادر جمہوریت بیگم نصرت بھٹو کے نظریے کو...
وزیر خزانہ سے سعودی ہم منصب محمد الجدان کی ملاقات،باہمی دلچسپی کے شعبوں...
واشنگٹن(این این آئی)وزیر خزانہ محمد اورنگزیب سے ورلڈ بینک اورآئی ایم ایف کی سالانہ میٹنگز کے موقع پر ان کے سعودی...
پیراپلیجک سنٹر پشاور میں مفت کلب فٹ علاج پر تربیتی ورکشاپ کامیابی سے اختتام...
پشاور(این این آئی) پیراپلیجک سنٹر پشاور نے آزاد کشمیر کیلئے دو روزہ تربیتی ورکشاپ کا کامیاب انعقاد کیا۔ اس کا مقصد طبی ماہرین کو...
وزیر خزانہ کی واشنگٹن میں ملاقاتیں، پاکستانی معیشت کی بحالی اور...
واشنگٹن (این این آئی)وزیر خزانہ سینیٹر محمد اور نگزیب نے پاکستان کی معیشت کی بحالی اور اصلاحات کے لئے معاشی استحکام کے...
توشہ خانہ ٹو کیس میں بشریٰ بی بی کی ضمانت منظور
اسلام آباد (این این آئی)اسلام آباد ہائی کورٹ نے توشہ خانہ ٹو کیس میں سابق وزیراعظم اور پاکستان تحریک انصاف کے بانی عمران خان...