لاہور( این این آئی ) پیپلز پارٹی وسطی پنجاب کے صدر قمر زمان کائرہ نے کہا ہے کہ موسی گیلانی کی گرفتاری سیاسی بربریت ہے،گیلانی خاندان کو مقدمات اور گرفتاریوں سے ڈرایا نہیں جاسکتا۔ اپنے بیان میں قمر زمان کائرہ نے کہا کہ ملتان میں انتظامیہ اور پولیس کو سیاسی مخالفین کے پیچھے لگا دیا گیا ہے،پولیس گردی اور فاشزم سے اپوزیشن کی کی تحریک رکنے والی نہیں،پی ڈی ایم کٹھ پتلی اور نا اہل حکومت کو گھر بھیج کر دم لے گی۔قمر زمان کائرہ نے کہا کہ ایسے بزدلانہ ہتھکنڈوں سے جیالے ماضی میں جھکے ہیں نہ اب جھکیں گے ۔
