اسلام آباد (این این آئی) پاکستان مسلم لیگ (ن)کی چیف آرگنائزر مریم نواز نے کہا ہے کہ مسلم لیگ (ن)کو مٹانے والے خود مٹ گئے، الزام لگانے والے آج منہ چھپاتے پھر رہے ہیں۔تفصیلات کے مطابق گوجرانوالہ ڈویژن میں پارٹی کی مرکزی تنظیم کا اجلاس مریم نواز کی زیر صدارت منعقد ہوا جس میں خواجہ آصف، پرویز رشید اور پارٹی کے صوبائی صدر رانا ثنا اللہ خاں بھی شریک ہوئے۔اجلاس سے خطاب کرتے ہوئے مریم نواز شریف نے کہا کہ پتلی تماشہ کرنے والے گھروں میں قید ہوچکے ہیں، مشکل معاشی حالات میں ڈوبا ملک پہلی بار ہمیں نہیں ملا، ملک جب بھی مسائل میں ڈوبا تب نواز شریف اور شہباز شریف کو آنا پڑا۔انہوں نے کہا کہ سازشیوں کی سازش ہے کہ معیشت نہ سنبھلے، مگر ہمیشہ کی طرح شیر ہی قوم کو مسائل اور انہیں پیدا کرنے والے گیدڑوں سے نجات دلائے گا۔سابق وزیراعظم پر تنقید کرتے ہوئے لیگی رہنماء نے کہا کہ عمران کا ٹرک ڈرائیوروں سمیت پکڑا جا چکا ہے۔ انہوں نے کہا کہ( )ن لیگ کو مٹانے والے خود مٹ گئے، الزام لگانے والے آج منہ چھپاتے پھرتے ہیں۔
