ویلنگٹن (این این آئی)نیوزی لینڈ شدید درجے کے زلزلے کی اطلاعات ہیں۔ جمعرات کی صبح ریکٹراسکیل پر 7.1 کی شدت کا زلزلہ کرماڈیک جزائرمیں آیا، جو نیوزی لینڈ کے شمال مشرق میں تقریبا 1,000 کلومیٹر دور واقع ہے۔نیوزی لینڈ ہیرالڈ کے مطابق زلزلے کا مرکز 10 کلومیٹر کی گہرائی میں تھا۔میڈیارپورٹس کے مطابق پیسیفک سونامی وارننگ سینٹر نے جنوبی بحرالکاہل میں زلزلے کے مرکز سے 300 کلومیٹر دور واقع ساحلوں کے لیے سونامی کی وارننگ جاری کی ہے۔نیوزی لینڈ کے جزائر میں آنے والے زلزلے کے نتیجے میں ابھی تک کسی قسم کے جانی یا مالی نقصان کی تفصیلات سامنے نہیں آئیں۔
