مکہ مکرمہ(این این آئی)مسجد الحرام میں اعتکاف کے لیے 2500 افراد کی گنجائش رکھی گئی ہے اور ان کے لیے مناسب جگہ کا انتظام کردیا گیا ہے۔میڈیارپورٹس کے مطابق حرمین شریفین انتظامیہ کے سربراہ شیخ ڈاکٹر عبد الرحمن السدیس نے کہا کہ اعتکاف کرنے والوں کا اندراج ہوگا اور انہیں خصوصی کارڈ دیئے جائیں گے اور ہر ایک کو خاص جگہ فراہم کی جائے گی۔ان کا کہنا تھا کہ اعتکاف میں بیٹھنے والے مرد وخواتین کو تمام سہولتیں فراہم ہوں گی۔انہوں نے کہا کہ مسجد الحرام کے تہہ خانے کو مردوں کے لیے مختص کردیا گیا ہیجب کہ خواتین کے لیے کنگ فہد توسیعی حصے کی پہلی منزل میں پچھلے مصلوں کو خواتین کے لیے مقرر کیا گیا ہے۔
