کورونا کی دوسری لہر میں بے احتیاطی کا پاکستان متحمل نہیں ہوسکتا ہے’صدرعارف علوی

0
328
APP84-27 LAHORE: October 27 - President Dr. Arif Alvi addressing at the Conferment of Awards to the Corona Heroes ceremony at Governor House. APP photo by Rana Imran

لاہور( این این آئی) صدر مملکت ڈاکٹر عارف علوی نے کہا ہے کہ کورونا کی موجودہ صورتحال میں ملکی مفاد کے پیش نظر اپوزیشن کو اپنی روش بدلنا ہو گی ،کورونا کی دوسری لہر میں بے احتیاطی کا پاکستان متحمل نہیں ہوسکتا ہے،حکومت فلاحی ریاست کو مدنظر رکھتے ہوئے درست اقدامات کررہی ہے۔ ان خیالات کا اظہار انہوںنے وائس چیئرمین پنجاب وزیراعلی شکایت سیل ناصر سلمان ، چیئرمین پراس بریگیڈئیر(ر) شاہجہان اور کرنل (ر) اعظم سے ملاقات میں گفتگو کرتے ہوئے کیا۔ اس موقع پر ملکی سیاسی صورتحال اور حکومتی کارکردگی کے حوالے سے گفتگو کی گئی ۔ ڈاکٹر عارف علوی نے کہاکہ زیراعلی عثمان بزدار کی زیر قیادت پنجاب حکومت کی کارکردگی قابل ستائش ہے، پی ٹی آئی حکومت فلاحی ریاست کو مدنظر رکھتے ہوئے درست اقدامات کررہی ہے، وزیراعلی شکایت سیل میں عوامی داد رسی پر ناصر سلمان کی کارکردگی قابل تعریف ہے۔ انہوںنے کہا کہ کورونا کا پاکستان نے بہتر مقابلہ کیا اور معیشت بہتری کی طرف جانب گامزن ہے، کورونا کی دوسری لہر میں بے احتیاطی کا پاکستان متحمل نہیں ہوسکتا ہے، ملکی مفاد کے پیش نظر اپوزیشن کو اپنی روش بدلنا ہوگی