اسلام آباد (این این آئی)عالمی مالیاتی فنڈ (آئی ایم ایف) نے کہا ہے کہ پاکستان میں ہونے والی حالیہ پیش رفت کا جائزہ لے رہے ہیں، امید ہے آگے بڑھنیکا ایک پر امن راستہ تلاش کیا جائیگا۔نمائندہ آئی ایم ایف ایستر پیریز نے کہاکہ بیرونی شراکت داروں کی جانب سے پاکستان کی مالی معاونت کیاعلان کا خیر مقدم کرتے ہیں، آئی ایم ایف بقیہ ضروری فنانسنگ کی یقین دہانیاں حاصل کرنیکا منتظر ہے۔نمائندہ آئی ایم ایف کے مطابق نویں اقتصادی جائزے میں نظرثانی شدہ پالیسی فریم ورک پر عمل درآمد اہم ہوگا، فروری میں پیش کردہ منی بجٹ اور توانائی کی قیمتوں میں ایڈجسٹمنٹ اہم اقدامات ہیں، درآمدی پابندیوں میں کمی، مارکیٹ بیسڈ ایکسچینج ریٹ اور کمزور طبقے کی مدد معاشی استحکام کے لیے اہم ہیں۔ایستر پیریز نے کہاکہ شراکت داروں کی جانب سے مالی اعانت میکرو اکنامک استحکام کے دوبارہ حصول کیلئے کلیدی ہے۔
