واشنگٹن (این این آئی) ترجمان امریکی وزارت خارجہ میتھیو ملر نے پاکستانی تیل و گیس کی تنصیبات پر دہشتگرد حملے پر افسوس کا اظہار کرتے ہوئے کہا ہے کہ پہلے بھی کہہ چکے ہیں پاکستان میں صورتحال مانیٹر کر رہے ہیں، کسی ایک سیاسی امیدوار یا جماعت پر کوئی پوزیشن نہیں۔امریکی محکمہ خارجہ کے ترجمان نے پریس بریفنگ میں کہا کہ رپورٹس ہیں کہ 4 سرکاری اہلکار اور 2 شہری جاں بحق ہوئے، جاں بحق افراد کے خاندان سے تعزیت، زخمیوں کی جلدصحت یابی کی امیدہے، حالات کا جائزہ لے رہے ہیں۔ترجمان امریکی محکمہ خارجہ نے کہا کہ پہلے بھی کہہ چکے ہیں پاکستان میں صورتحال مانیٹر کر رہے ہیں، کسی ایک سیاسی امیدوار یا جماعت پر کوئی پوزیشن نہیں، جمہوری اقدار کا نفاذ، آزادی اظہار رائے، قانون کی عملداری کا اطلاق سب پر ہونا چاہیے۔
