نیویارک (این این آئی)امریکی سینیٹر باب مینینڈیز نے پاکستان میں موجودہ عدم استحکام اور انسانی حقوق کی خلاف ورزیوں کے حوالے سے اپنے خدشات کا اظہار کرتے ہوئے ملک کے اندر انسانی حقوق کی اقدار کو برقرار رکھنے کی بنیادی اہمیت پر زور دیا۔پاکستان تحریک انصاف امریکا کے آفیشل ٹوئٹ کے مطابق کانگریس کے ڈیموکریٹک امیدوار ڈاکٹر آصف محمود کے ساتھ بات چیت کے دوران سینیٹر نے ہنگامہ آرائی کے بجائے استحکام کی اہمیت اور پاکستان کو انسانی حقوق کا احترام کرنے اور قانون کی حکمرانی کے اصولوں پر عمل کرنے کی ضرورت پر زور دیا۔
