لاہور( این این آئی)اداکارہ مہک نور پشتو فلم کی شوٹنگ میں حصہ لینے کیلئے آئندہ ہفتے پشاور روانہ ہو جائیں گی ۔ فلم کے کچھ سین پشاور میں عکسبند کئے جائیں گے جس کے بعد ٹیم کا یونٹ شمالی علاقہ جات کے لئے روانہ ہو جائے گا۔فلم میں مہک نور ، شاہد خان ،ارباز خان اورجہانگیر خان جانی سمیت اداکار شامل ہیں۔فلم کا اسی فیصد کام مکمل کر لیا گیا ہے اور جلد فلم کا کیمرہ کلوز کر کے ایڈیٹنگ اور دوسرے مراحل کئے جائیں گے ۔ اس فلم کو عید الاضحی پر نمائش کے لئے پیش کرنے کی منصوبہ بند ی کی گئی ہے۔
