اسلام آباد (این این آئی)وفاقی کابینہ نے ایک سے 16گریڈ کے سرکاری ملازمین کی تنخواہوں میں 35فیصد جبکہ 17سے 22 گریڈ کے ملازمین کی تنخواہوں میں 30فیصد اضافے کی منظوری دے دی۔وزیراعظم شہباز شریف کی زیرصدارت وفاقی کابینہ کے اجلاس میں آئندہ مالی سال کے بجٹ کی منظوری دی گئی ہے جبکہ سرکاری ملازمین کی تنخواہوں اور پنشن میں بھی اضافہ کیا گیا ہے۔وفاقی کابینہ نے گریڈ ایک سے 16تک کے ملازمین کی تنخواہوں میں 35فیصد اور گریڈ 17سے 22تک کے ملازمین کی تنخواہوں میں 30فیصد اضافے کی منظوری دی ہے۔وفاقی کابینہ نے کم سے کم تنخواہ 30ہزار روپے مقرر کرنے کی منظوری دی تاہم وزیراعظم نے مزدور کی تنخواہ میں مزید 2ہزار کا اضافہ کرتے ہوئے کم سے کم اجرت 32ہزار روپے مقرر کرنے کی منظوری دی۔اس کے علاوہ پنشنرز کی پنشن میں ساڑھے 17فیصد اضافے کی منظوری دی گئی ہے۔
