لاہور( این این آئی) اداکار اسلم پھلروان نے کہا ہے کہ پہلی مرتبہ کسی پراجیکٹ میں سینئر اداکار جمال شاہ کے ساتھ اداکاری کر رہا ہوں جس پر بے حد خوشی ہے ، جمال شاہ واقعی ایک بڑے اداکار ہونے کے ساتھ ایک بڑے انسان بھی ہیں ، وہ ایسی شخصیت کے مالک ہیں کہ ان سے ملنے والا شخص ان سے متاثر ہوئے بغیر نہیں رہ سکتا۔ خصوصی گفتگو کرتے ہوئے انہوں نے کہا کہ سینئر جمال شاہ نے مجھے انتہائی اپنائیت سے اداکاری کے حوالے سے ٹپس دیں جو یقینا مستقبل میں میرے لئے معاون ثابت ہوں گی ۔ میں ان کی خوش اخلاقی اورے بڑے پن سے بے حد متاثر ہوا ہوں ۔ایک سوال کے جواب میں اسلم پھلر وان نے کہا کہ میرے دل میں ایک خواہش ہے کہ کاش میں لیجنڈ اداکار قوی خان کے ساتھ کوئی پراجیکٹ کرسکتا ۔
