سکھر(این این آئی)وفاقی وزیربرائے آبی وسائل سید خورشید احمد شاہ سے صوبہ بلوچستان سے آئے وفد نے یہاں ملاقات کی۔وفد میں سپیکر بلوچستان اسمبلی، سیکرٹری ایریگیشن بلوچستان، سیکرٹری ایریگیشن سندھ اور دیگر شامل تھے۔ ملاقات میں بلوچستان کو درپیش پانی کے مسائل پر گفتگو کی گئی۔ ملاقات کے بعد وفاقی وزیر سید خورشید شاہ نے میڈیا سے گفتگو کرتے ہوئے کہا کہ بلوچستان سے آئے وفد کے خدشات کو سنا ہے اور ان کو حل کرنے کی کوشش کی جائے گی۔ خورشید شاہ نے کہا کہ بلوچستان کو پانی کے مسائل کا سامنا ہے۔اس بار کافی سال بعد تربیلا ڈیم کے سپل ویز کھولے گئے ہیں۔ربیع کے فصل کے لیے بھی پانی دستیاب ہے۔ خورشید شاہ نے دیگر ملکی مسائل پر بھی بات کی۔ انہوں نے کہا کہ موجودہ حکومت اپنی آئینی مدت پوری کرے گی،مدت مکمل ہونے کے بعد نگراں سیٹ اپ آجائے گا۔
