دبئی (این این ائی)سابق وزیرِ اعظم نواز شریف آئندہ چند روز میں سعودی عرب جائیں گے۔شریف فیملی کے ذرائع کے مطابق نواز شریف سعودی عرب میں تقریباً ایک ہفتہ قیام کریں گے۔ذرائع کے مطابق سعودی عرب میں نواز شریف کی اہم شخصیات سے ملاقاتیں طے ہیں۔نواز شریف سعودی عرب میں قیام کے دوران عمرہ بھی ادا کریں گے۔شریف فیملی کے ذرائع کے مطابق سعودی عرب کے دورے میں مریم نواز بھی نواز شریف کے ہمراہ ہوں گی۔
