سرگودھا /لاہور (این این آئی)سرگودھا کے علاقے بھلوال کے قریب مسافر وین میں سلنڈر پھٹنے سے 7 افراد جاں بحق اور چودہ زخمی ہوگئے ۔اطلاعات کے مطابق سرگودھا کے علاقے بھلوال کے قریب مسافر وین میں سلنڈر پھٹنے سے 7 افراد جاں بحق اور چودہ زخمی ہوگئے،پولیس کے مطابق حادثے میں زخمی افراد کوہسپتال منتقل کر دیا گیا مسافر وین21 مسافروں کو لے کر بھلوال سے کوٹ مومن جا رہی تھی۔نگراں وزیرِ اعلیٰ پنجاب محسن نقوی نے مسافر وین میں سلنڈر پھٹنے کے واقعے کا نوٹس لیتے ہوئے کمشنر اور آر پی او سرگودھا سے رپورٹ طلب کر لی۔ محسن نقوی نے واقعے کی تحقیقات کا حکم دیتے ہوئے کہا ہے کہ زخمیوں کو علاج کی بہترین سہولتیں فراہم کی جائیں۔
