لاہور( این این آئی)نامور اداکار عمر شہزاد نے انکشاف کیا ہے کہ کرن جوہر کی فلم ”اے دل ہے مشکل ”میں فواد خان سے قبل مجھے پیشکش ہوئی تھی ۔اداکار کا ویڈیو کلپ سوشل میڈیا پر وائرل ہورہا ہے جس میں وہ بھارتی فلم سے متعلق گفتگو کررہے ہیں جس میں ان کا کہنا ہے کہ انہیں عمران عباس نہیں بلکہ فواد خان کے کردار کی پیشکش ہوئی تھی۔انہوں نے کہا کہ بھارت سے پیشکش آنے پر میں نے سوچا کہ کرن جوہر کی فلم ہے ہیروئن بھی کوئی مشہور ہوگی، مجھے سین بھی سارے اہم اور ہیروئن کے ساتھ پیشکش کیے گئے تھے۔عمر شہزاد نے بتایا کہ میں نے فلم کے لیے ہاں کردی اور سوچا کہ سین چاہے فلم میں چار ہوں یا پانچ مگر یہ فلم ضرور کرنی ہے۔اداکار نے بتایا کہ فلم کے لیے ایک سین کی ویڈیو بنا کر بھیجنی تھی پھر میں ویڈیو بھیج کر عمرے کے لیے چلا گیا اور واپس آنے پر جب فلم کی انتظامیہ سے رابطہ کیا تو کوئی جواب ہی نہیں ملا۔
