اسلام آباد(این این آئی) نگراں وفاقی وزیر آئی ٹی ڈاکٹر عمر سیف سے پی ٹی اے چیئرمین میجر جنرل (ریٹائرڈ )حفیظ الرحمان نے ان کے دفتر میں ملاقات کی جس میں ٹیلی کمیونیکیشن، فائیو جی آکشن اور اسپیکٹرم کے حوالے سے تفصیلی گفتگو ہوئی۔انہوںنے کہاکہ اگلے دس ماہ میں فائیو جی کو آکشن کر دیا جائے گا، ڈاکٹر عمر سیف نے کہاکہ فائیو جی آکشن میں حائل رکاوٹوں کو ترجیحی بنیادوں پر دور کیا جائے گا، ڈاکٹر عمر سیف نے کہاکہ ٹیکسیشن، ٹیلی ڈینسٹی ایشوز اور اسپیکٹرم کے حوالے سے قدغنیں ختم کریں گے۔ڈاکٹر عمر سیف نے کہاکہ صارفین کے لیئے ٹیلی کام سروسز کے معیار کو بہتر سے بہتر بنائیں گے، فائیو جی آکشن سے عوام کو سہولیات دینے کے لیئے پر عزم ہیں۔
