اسلام آباد (این این آئی)نگران وزیر داخلہ سرفراز احمد بگتی نے لکی مروت میں پولیس موبائل پر حملے کی شدید مذمت کرتے ہوئے فائرنگ میں دو پولیس اہلکاروں کی شہادت پر گہرے دکھ اور افسوس کا اظہار کیا ہے ۔ اپنے بیان میں نگران وزیر داخلہ نے کہاکہ شہید ہونے والے پولیس کے جوانوں کے بلند درجات کے لیے دعا گو ہیں۔ انہوںنے کہاکہ ملک میں قیام امن کیلئے پولیس کی قربانیاں ناقابل فراموش ہیں۔ سرفراز احمد بگٹی نے کہاکہ ایسے واقعات ہمارے حوصلوں کو متزلزل نہیں کرسکتے،زخمی پولیس اہلکاروں کو بہترین طبی سہولیات فراہم کی جائیں۔
