اسلام آباد (این این آئی) پاکستان مسلم لیگ (ن)کے سینیٹر افنان اللہ نے کہا ہے کہ بلاول کو نہ جانے کس نے کہہ دیا تھاکہ آپ وزیراعظم بن جائیں گے۔ایک بیان میں سینیٹر افنان اللہ نے کہا کہ نگران حکومت پیپلز پارٹی کی منشاکے مطابق نہیں آئی اور سندھ میں پیپلزپارٹی کے ساتھ ہاتھ ہوگیا۔انہوں نے کہا کہ بلاول کو نہ جانے کس نے کہہ دیا تھاکہ آپ وزیراعظم بن جائیں گے، بلاول میں اتنا اعتماد آگیا تھاکہ انہوں نے کہا کہ پہلے دونوں اسمبلیاں توڑیں پھر الیکشن کا سوچیں گے۔
