لاہور (این این آئی) پاکستان کی فلم انڈسٹری کے لیجنڈ اداکار معروف کامیڈین لہری کو دنیا سے رخصت ہوئے 11 برس بیت گئے ہیں۔لیجنڈ کامیڈین سفیراللہ المعروف لہری نے کئی فلموں میں اپنی مزاحیہ اداکاری سے لوگوں کے چہروں پر مسکراہٹ بکھیری اور خوب داد پائی، اداکار لہری نے افشاں، چھوٹی بہن، بالم، جلتے سورج کے نیچے سمیت 200 سے زائد فلموں میں کام کیا۔لہری نے اپنے فن کے اظہار کیلئے سنجیدہ انداز میں مزاح کو موضوع بنایا، برجستہ جملوں اور لاجواب اداکاری کیلئے مقبول لہری نے 13 نگار ایوارڈز سمیت مختلف مقامی ایوارڈز اپنے نام کیے ہیں، ساتھی اداکار آج بھی لہری کے فی البدیہہ جملوں کو یاد کرتے ہیں۔اداکار لہری سال 2012 میں 83 سال کی عمر میں انتقال کر گئے تھے، ان کی بے مثال اداکاری نے ناظرین کے ذہنوں پر نہ مٹنے والے نقوش چھوڑے ہیں۔
