جنیوا(این این آئی)اقوام متحدہ کی ایک رپورٹ میں ڈریس کوڈ کی پابندی نہ کرنے والی ایرانی خواتین پر قید کی سزاں میں اضافے اور بھاری جرمانے عائد کرنے کے نئے قانون سے خبردار کیا گیا ہے۔غیرملکی خبررساں ادارے کے مطابق اقوام متحدہ نے ایرانی حکام سے ایک نیا قانون منسوخ کرنے کا مطالبہ کر دیا جو سخت اسلامی لباس کے ضابطوں کی خلاف ورزی کرنے والی خواتین کے لیے سزائوں کو نمایاں طور پر سخت کرتا ہے۔ اقوام متحدہ نے اسے ظالمانہ اور توہین آمیز قرار دیا۔اقوام متحدہ کے انسانی حقوق کے دفتر نے کہا کہ اسے نام نہاد عفت اور حجاب بل کی منظوری پر گہرا افسوس ہے۔ اس قانون کے تحت لباس کے ضابطے کی معمولی خلاف ورزی کرنے والی خاتون کو 10 سال قید ہو سکتی ہے۔دفتر کی ترجمان روینہ شمداسانی نے جنیوا میں صحافیوں کو بتایا کہ یہ قانون جیل کی سزاں میں نمایاں اضافہ کرتا ہے اور ان خواتین اور لڑکیوں پر بھاری جرمانے عائد کرتا ہے جو لازمی لباس کوڈ کی پابندی نہیں کرتی ہیں۔ طویل قید کی سزا اور بھاری جرمانے کے علاوہ، قانون کی خلاف ورزی کرنے والی خواتین کو کوڑے مارے جا سکتے ہیں اور انہیں سفری پابندیوں کا سامنا کرنا پڑ سکتا ہے۔شمداسانی نے مزید کہا کہ اقوام متحدہ کے ہائی کمشنر برائے انسانی حقوق وولکر ٹرک نے اس بات کا بھی اعادہ کیا ہے کہ یہ سخت مسودہ قانون بین الاقوامی قانون کے صریحا متصادم ہے۔ اور اسے روک دیا جانا چاہیے۔حجاب نہ کرنے پر گرفتاری کے بعد پولیس کی حراست میں مہسا امینی کی پر اسرار موت کے ایک سال بعد ایران میں پابندیوں کو سخت کرنے کے لیے دبا کے بعد پابندیاں سخت کی جارہی ہیں۔
مقبول خبریں
راولپنڈی ٹیسٹ میں بھی اسپنرز کیلئے سازگار وکٹ بنانے کی کوشش کریں گے، سعود...
راولپنڈی (این این آئی)قومی ٹیم کے نائب کپتان اور مڈل آرڈر بلے باز سعود شکیل نے کہا ہے کہ ہم راولپنڈی میں انگلینڈ کے...
وفاقی وزیرداخلہ و انسداد منشیات محسن نقوی اہم دورے پر ترکیہ پہنچ گئے
اسلام آباد (این این آئی)ترکیہ کے صدر رجب طیب اردوان کی دعوت پر وفاقی وزیرداخلہ محسن نقوی اہم دورے پر ترکیہ پہنچ گئے۔ وہ...
توشہ خانہ ٹو کیس، ایف آئی اے نے بشریٰ بی بی کی درخواست ضمانت...
اسلام آباد (این این آئی)توشہ خانہ ٹو کیس میں وفاقی تحقیقاتی ادارے (ایف آئی اے) نے سابق وزیراعظم اور پاکستان تحریک انصاف کے...
چیف جسٹس قاضی فائز عیسیٰ چیمبر ورک پر چلے گئے، فیصلے تحریر کریں گے
اسلام آباد (این این آئی)چیف جسٹس پاکستان قاضی فائز عیسیٰ آج چیمبر ورک پر چلے گئے جہاں وہ چیمبرک ورک کے دوران فیصلے...
موجودہ حکومت کے ابتدائی 6ماہ کے دوران قرضوں میں 5ہزار 552ارب روپے کا اضافہ
اسلام آباد (این این آئی) اسٹیٹ بینک کی دستاویز کے مطابق موجودہ حکومت کے 6 ماہ میں نگران حکومت کی جانب سے لیے...