اسلام آباد (این این آئی) سابق وزیر داخلہ اور مسلم لیگ (ن )کے سینئر رہنما رانا ثنا اللہ نے نواز شریف کی پاکستان واپسی کے بعد کا ابتدائی پلان بتا تے ہوئے کہاہے کہ نوازشریف 21اکتوبر کو لاہور پہنچیں گے ، مینارِ پاکستان پر جلسہ ہوگا جس سے نواز شریف خطاب کریں گے۔ نجی ٹی وی سے گفتگو کرتے ہوئے رانا ثنا اللہ نے کہا کہ نواز شریف 21 اکتوبرکو لاہور پہنچیں گے اور اس کے بعد وہ مینارِ پاکستان جائیں گے۔رانا ثنا اللہ نے کہا کہ ہماری الیکشن مہم کا آغاز مینارِ پاکستان سے ہوگا، مینارِ پاکستان پر جلسہ ہوگا جس سے نواز شریف خطاب کریں گے۔انہوں نے کہا کہ نواز شریف کے خلاف جتنے بھی کیسز ہیں وہ جھوٹ پر مبنی ہیں۔
