اسلام آبا د(این این آئی)نگران وفاقی وزیر اطلاعات مرتضیٰ سولنگی سے سابق رکن صوبائی اسمبلی، سابق ترجمان بلوچستان حکومت اور سینئر سیاستدان فرح عظیم شاہ نے ملاقات کی جس میں انتخابات سمیت بلوچستان کی سیاسی صورتحال پر تبادلہ خیال کیا گیا ۔ اس موقع پر نگران وزیراطلاعات نے کہاکہ پرامن اور سازگار ماحول میں صاف، شفاف اور غیر جانبدارانہ انتخابات یقینی بنائیں گے۔ انہوںنے کہاکہ بلوچستان کی ترقی اور فلاح و بہبود نگران حکومت کی ذمہ داری ہے۔ انہوںنے کہاکہ بلوچستان کی ترقی کے بغیر پاکستان کی ترقی نامکمل ہے۔فرح عظیم شاہ نے نگران وزیراعظم انوار الحق کاکڑ کی قیادت اور اقدامات پر مکمل یقین کا اظہار کیا اور نگران حکومت کی معاشی و انتظامی پالیسیوںکوسراہا۔
