اسلام آباد (این این آئی)دو چینی اور ایک پاکستانی کمپنی مشترکہ منصوبہ کے تحت آئندہ ماہ سے الیکٹرک موٹر سائیکلوں اور تین پہیوں والی گاڑیوں کی مقامی سطح پر پیداوار کا آغاز کر یں گی، گاڑیوں کو آئندہ کراچی ایکسپو میں لانچ کیا جائے گا۔ یہ بات ڈونگ جن بیٹری پاکستان کے کنٹری سیلز منیجر جم لی نے ب گوادر پرو کے ساتھ ایک انٹرویو میں کہی۔ ڈونگ جن بیٹریاں فراہم کرتا ہے جبکہ چین کا بینلنگ گروپ تکنیکی معاونت فراہم کرتا ہے اور پاکستان کا کران گروپ ڈیلرز کا قائم نیٹ ورک رکھتا ہے۔ جم لی نے کہا کہ یہ تینوں کمپنیاں پاکستان کے معروف الیکٹرک وہیکل برانڈ کے قیام کیلئے مل کر کام کریں گی جس سے ملک میں گرین موبلٹی کو بہتر مدد ملے گی۔ گوادر پرو کے مطابق جم لی نے کہا ڈونگ جن بیٹری کی پیداواری تنصیب 2020 میں پورٹ قاسم، کراچی میں قائم کی گئی تھی۔ انہوں نے کہا ہم نے اب تک 4 ملین ڈالر کی سرمایہ کاری کی ہے اور پاکستان میں 250 براہ راست اور 1000 بالواسطہ ملازمتیں پیدا کی ہیں،ہماری مصنوعات یو پی ایس بیٹریاں، ایـبائیک بیٹریاں، اور موٹر سائیکل بیٹریاں ہیں. ہم نے تکنیکی اختراعات کی ہیں ، جیسے مقامی آب و ہوا کے حالات کے مطابق بیٹری فارمولا اور الیکٹرولائٹ ارتکاز کو ایڈجسٹ کرنا۔ ان جدت طرازیوں کے نتیجے میں ہماری مصنوعات نے بیرون ملک سے درآمد کی جانے والی مصنوعات کو پیچھے چھوڑ دیا ہے۔گوادر پرو کے مطابق انہوں نے کہا ہم پاکستان سے بیٹریاں برآمد کرنے کا بھی ارادہ رکھتے ہیںاور کراچی میں اپنی فیکٹری قائم کریں گے۔ گوادر پرو کے مطابق مزید برآں ہم نے پہلے ہی پاکستان میں اپنے خام مال اور کیسنگ فیکٹریوں کے قیام کی تیاری شروع کردی ہے تاکہ ایک جامع لیڈ ایسڈ بیٹری کی پیداوار کا نظام تیار کیا جاسکے۔ ہماری خام مال فیکٹری اگلے سال کے آخر میں پیداوار شروع کرے گی، جس سے پیداواری لاگت کو کم کرنے میں مدد ملے گی اور پاکستان کی مارکیٹ کو اعلی معیار کی لیکن لاگت موثر مصنوعات فراہم کی جائیں گی۔
مقبول خبریں
سپریم کورٹ نے 63 اے سے متعلق فیصلہ کالعدم قرار دیدیا، نظرثانی اپیلیں متفقہ...
اسلام آباد (این این آئی)سپریم کورٹ آف پاکستان نے آرٹیکل 63 اے کیس کا فیصلہ کالعدم قرار دیتے ہوئے نظرثانی کی اپیلیں متفقہ طور...
انصاف کا جنازہ نہ نکالیں، شاہ محمود قریشی کا بلاول بھٹو کو خط
لاہور(این این آئی)پاکستان تحریک انصاف کے سینئر رہنما شاہ محمود قریشی نے لاہور کی کوٹ لکھپت جیل سے پاکستان پیپلز پارٹی کے چیئرمین...
پی ٹی آئی نے پریکٹس اینڈ پروسیجر کمیٹی کے اقدامات کو چیلنج کردیا
اسلام آباد (این این آئی) پاکستان تحریک انصاف (پی ٹی آئی) نے جسٹس منصور علی شاہ کی عدم موجودگی میں پریکٹس اینڈ پروسیجر کمیٹی...
اسلام آباد ہائی کورٹ نے چیف الیکشن کمشنر سکندر سلطان راجہ کی تعیناتی کے...
اسلام آباد (این این آئی)اسلام آباد ہائی کورٹ نے چیف الیکشن کمشنر سکندر سلطان راجہ کی تعیناتی کے خلاف دائر درخواست خارج کر...
بلاول بھٹو کا 7 اکتوبر کو جماعت اسلامی کے اسرائیل مخالف احتجاج میں شرکت...
اسلام آباد (این این آئی)پاکستان پیپلز پارٹی کے چیئرمین بلاول بھٹو زرداری نے 7 اکتوبر کو جماعت اسلامی کے اسرائیل مخالف احتجاج میں شرکت...