لاہور(این این آئی)چیئر ایسوسی ایشن آف پاکستانی لائرز یوکے، روچڈیل لاء ایسوسی ایشن کے پہلے ایشیائی صدر،سینئر نائب صدر اور چیف کوآرڈینیٹر انٹرنیشنل افئیرزمسلم لیگ (ن ) بیرسٹر امجد ملک نے پنجاب بار کونسل کا دورہ کیااور ایگزیکٹو کمیٹی اجلاس کی کارروائی دیکھی۔گزشتہ روز بیرسٹر امجد ملک کا وائس چیئرمین بار کونسل بشارت اللہ خان نے استقبال کیا ۔اس موقع پر بیرسٹر امجد ملک نے کہا کہ پاکستان وزٹ پنجاب بار کونسل میں دوستوں سے ملاقات کے بغیر نامکمل ہے۔انہوںنے کہاکہ وائس چیئرمین پنجاب بار کونسل بشارت اللہ خان ،چیئرمین ایگزیکٹو کمیٹی آصف شہزاد ، ایڈوکیٹ چوہدری عمر فارق اکبر سیکرٹری بار رفاقت سوہل سمیت سب وکلاء نے بہت محبت دی۔ اس دوران ایگزیکٹو کمیٹی اجلاس کی کاروائی بھی دیکھی۔بیرسٹر امجد ملک نے اپنی کتاب پاکستان کا سفر پیش کی اور دسمبر میں برطانیہ آنے کی دعوت دی جسے وائس چئیرمین نے قبول کیا۔پنجاب بار کونسل نے بیرسٹر امجد ملک کو اعزازی شیلڈ دی اور پھولوں سے رخصت کیا۔
