ریاض(این این آئی)سعودی عرب کے وزیرِ دفاع شہزادہ خالد بن سلمان اور یمن کے لیے اقوامِ متحدہ کے خصوصی ایلچی ہانس گرنڈ برگ نے یمن تنازعے کی تازہ ترین پیش رفت پر تبادل خیال کیا۔غیرملکی خبررساں ادارے کے مطابق ریاض میں ملاقات کے بعد شہزادہ نے بعد میں سوشل میڈیا سائٹ ایکس پر پوسٹ کیے گئے ایک پیغام میں کہاکہ ہم نے یمن میں امن عمل کی حمایت کے لیے مملکت کی کوششوں کے ساتھ ساتھ یمنی فریقین کے درمیان روڈ میپ کا جائزہ لیا تاکہ اقوامِ متحدہ کی نگرانی میں ایک جامع اور پائیدار سیاسی حل تک پہنچا جائے۔اس ملاقات میں یمن میں سعودی سفیر محمد الجابر اور وزیرِ دفاع کے دفتر کے ڈائریکٹر جنرل ہشام بن عبدالعزیز بن سیف بھی موجود تھے۔سعودی وزیرِ دفاع کی اقوامِ متحدہ کے ایلچی برائے یمن اور ایرانی فوجی سربراہ سے بات چیتسعودی وزیرِ دفاع کی اقوامِ متحدہ کے ایلچی برائے یمن اور ایرانی فوجی سربراہ سے بات چیت،اقوامِ متحدہ کے شرکا میں گرنڈ برگ کی معاونِ خصوصی لینے ہنکس؛ ایلچی کے دفتر میں سیاسی امور کی سربراہ روزانے بیزرگن؛ اور ایلچی کے ایک مشیر اپریل ایلی شامل تھے۔ شہزادہ خالد کو ایرانی مسلح افواج کے چیف آف سٹاف میجر جنرل محمد باقری کی ٹیلی فون کال موصول ہوئی جس کے دوران انہوں نے اپنے ممالک کے درمیان فوجی اور دفاعی شعبوں میں تعلقات کا جائزہ لیا اور باہمی دلچسپی کے امور پر تبادل خیال کیا۔
