لاہور( این این آئی) رفتار او رمعیار کے ساتھ ایک اور عوامی منصوبہ مکمل۔ وزیراعلی پنجاب محسن نقوی کی مسلسل مانیٹرنگ او ردوروں سے پی آئی سی کی ایمرجنسی کی اپ گریڈیشن کا 99 فیصد کام مکمل ہوگیا ہے۔ پنجاب انسٹی ٹیوٹ آف کارڈیالوجی کی ایمرجنسی کا گرانڈ فلورکوجلد مریضو ں کے لئے کھول دیاجائے گا۔ وزیراعلی محسن نقوی نے پنجاب انسٹیٹیوٹ آف کارڈیالوجی کی اپ گریڈ ہونے والی ایمرجنسی کا تفصیلی دورہ کیا، فنشنگ کے کاموں کامشاہدہ کیااور معیار کا جائزہ لیا۔ وزیراعلی محسن نقوی نے دروازوں،فرش،خصوصا ٹائلز اور ریلنگ کی کوالٹی کو بہتر بنانے کیلئے ہدایات دیں اور بیڈزکامعیار چیک کیا۔ وزیر اعلی محسن نقوی نے ہدایت کی کہ مین گیٹ کے قریب لیب کو لیکشن سنٹر پرجلد کام کا آغاز کیا جائے اور فنشنگ کے کاموں کو اعلی معیار کے ساتھ حتمی شکل دی جائے۔انہوں نے کہا کہ اپ گریڈ کی جا نے والی ایمرجنسی اوپن ہونے کے بعد دوسرے حصے کو بھی بہتر بنایا جائے گا۔صوبائی وزیر اطلاعات عامر میر،سیکرٹری تعمیرات ومواصلات اورمتعلقہ حکام بھی اس موقع پر موجود تھے۔
