واشنگٹن (این این آئی)امریکی فوج نے بحیرہ احمر میں ایک اور میزائل حملے کو ناکام بنا دیا ہے۔غیرملکی خبررساں ادارے کے مطابق ایک بیان میں کہاکہ یہ میزائل حملہ حوثیوں کے زیر کنٹرول علاقے سے داغا گیا تھا۔امریکی فوج نے کہا کہ امریکی بحریہ کے جنگی جہاز نے جمعہ کے روز ایک میزائل مار گرایا ہے۔ یہ میزائل امریکی بیان کے مطابق یمن سے حوثیوں نے فائر کیا تھا۔امریکی سینٹرل کمانڈ کے ایک بیان کے مطابق ایرانی حمایت یافتہ حوثی جنگجوئوں نے یمن میں اپنے زیر کنٹرول علاقے سے ایک جہاز شکن بیلسٹک میزائل خلیج عدن کی طرف داغا، تاہم امریکہ کے یو ایس ایس کارنی نے کامیابی سے اس بلیسٹک میزائل کو مار گرایا ،امریکی سینٹ کام نے اس بارے میں کسی جانی نقصان یا کسی اہلکار کے زخمی ہونے کی تصدیق نہیں کی ۔
