لاہور (این این آئی) شناختی کارڈ رکھنے والے خواجہ سرائوں نے بھی مختلف علاقوں میں اپنے ووٹ کاسٹ کئے ، اپنے مخصوص انداز کے ساتھ پولنگ اسٹیشن پہنچنے پر توجہ کا مرکز بنے رہے ۔ تفصیلات کے مطابق قومی شناختی کارڈ زرکھنے والے خواجہ سرائوں نے بھی اپنے اپنے حلقوں میں ووٹ کاسٹ کئے ۔ خواجہ سراء ٹولیوں کی صورت میں ناچتے گاتے ہوئے پولنگ اسٹیشنز پر پہنچے اور اپنی پسند کی جماعت کو ووٹ ڈالا ۔ اس موقع پر گفتگو کرتے ہوئے خواجہ سرائوں نے کہاکہ ووٹ قوم کی امانت ہے اس لئے اس کو ضائع نہیں کرنا چاہیے ۔
