بیجنگ(این این آئی)بیجنگ میں پاکستانی سفارت خانے کے کمرشل قونصلر غلام قادر نے کہا ہے کہ پاکستانی ملبوسات چینی فیشن مارکیٹ میں نمایاں مقام بنا رہے ہیں، ملبوسات کے مختلف شعبوں بالخصوص مردوں اور خواتین کے ملبوسات میں مقبولیت میں نمایاں اضافہ ہوا ہے۔گوادر پرو کے مطابق سال 2023 میں چین کو پاکستان کی پانچ بہترین ٹیکسٹائل مصنوعات نے 92.61 ملین ڈالر سے تجاوز کیا۔ چین کو گھریلو ٹیکسٹائل، جرسی اور پلورز اور ٹی شرٹس کی برآمدات بالترتیب 5.89 ملین ڈالر، 33.47 ملین ڈالر اور 14.11 ملین ڈالر سے زیادہ تھیں۔ پاکستانی مردوں کی چین کو ملبوسات کی برآمدات 28.66 ملین ڈالر تک پہنچ گئیں جبکہ خواتین کے ملبوسات کی برآمدات 10.46 ملین ڈالر تک پہنچ گئیں جو گزشتہ سال کے اسی عرصے میں 9.44 ملین ڈالر تھیں جو 11 فیصد اضافہ ہے۔ مجموعی طور پر مردوں اور خواتین کے ملبوسات کی برآمدات 39.12 ملین ڈالر سے تجاوز کرگئیں جو 2023 میں 3 فیصد اضافہ ہے۔غلام نے گوادر پرو کو بتایا کہ چین میں ابھرتی ہوئی مارکیٹ کی حرکیات دونوں ممالک کے درمیان تعاون اور توسیع کے مواقع پیش کرتی ہیں۔ پاکستان اور چین دونوں کے کاروباری اداروں کو صارفین کی ترجیحات کو سمجھ کر اور اس کے مطابق اپنی حکمت عملی کو اپناتے ہوئے اس رجحان سے فائدہ اٹھانے کی ضرورت ہے۔گوادر پرو کے مطابق غلام نے کہا کہ مستقبل کو دیکھتے ہوئے ، پاکستان مئی 2024 میں ٹیکسٹائل میلے (ٹی ایکسپو) کا انعقاد کرنے جارہا ہے ، جس سے چینی سرمایہ کاروں کو راغب کرنے کی توقع ہے۔
