اسلام آباد (این این آئی) نامزد وزیر اعظم شہباز شریف نے ملک میں بارشوں سے ہونے والے نقصانات پر سخت تشویش کااظہار کرتے ہوئے کہا ہے کہ ریلیف پروگرام میں تیزی لائی جائے گی۔ لیگی رہنما عطاء تارڑ نے نامزد وزیر اعظم کا پیغام جاری کیا جس میں کہاگیاکہ ملک میں بارشوں کا شروع ہونے والا نیا سلسلہ اور اس سے ہونے والے نقصان پر نامزد وزیراعظم شہباز شریف کو سخت تشویش ہے ۔ انہوںنے کہاکہ امید ہے جہاں جہاں انتظامیہ ہے وہ متاثرین کی مدد اور امداد کیلئے بھرپور کام کرے گی،ریلیف پروگرام میں تیزی لائی جائے گی۔ انہوںنے کہاکہ نامزد وزیراعظم اس صورتحال سے متاثرہ لوگوں کیلئے دعا گو بھی ہیں۔
