مقبوضہ بیت المقدس(این این آئی)فلسطینی مزاحمتی تنظیم حماس نے ڈرون کے ذریعے اسرائیلی ٹینک پر بم گرانے کی ویڈیو جاری کردی۔ غیر ملکی خبر رساں ادارے کے مطابق حماس کے عسکری ونگ القسام بریگیڈز نے سماجی رابطے کے پلیٹ فارم ٹیلیگرام پر اسرائیلی ٹینک کو نشانہ بنانیکی ویڈیو جاری کی ۔حماس کا دعوی ہے کہ اس کے عسکری ونگ نے شمالی غزہ میں جبالیہ پناہ گزین کیمپ کے مشرق میں اسرائیلی ٹینک کو نشانہ بنایا ہے، غیر ملکی خبر رساں ادارے رائٹرز کے مطابق سیٹلائٹ تصاویر سے حملے کے مقام کی تصدیق ہوتی ہے۔تاہم برطانوی اخبار کے مطابق آزاد ذرائع سے اس ویڈیو کے فلمائے جانے کی تاریخ کی تصدیق نہیں ہوسکی۔ خیال رہے کہ گزشتہ روز اسرائیلی فوج نے شمالی غزہ پر دوبارہ حملے شروع کردیے تھے اور اسرائیلی ٹینک جبالیہ پناہ گزین کیمپ میں داخل ہوگئے تھے۔
