اسلام آباد (این این آئی)پاکستان تحریک انصاف (پی ٹی آئی) کے رہنما سینیٹر فیصل جاوید خان نے پاکستان ڈیموکریٹک موومنٹ کے لاہور جلسے سے متعلق کہا ہے کہ پی ڈی ایم نے مینار پاکستان گرائونڈ کے ایک حصے پر جلسہ کیا، گیارہ پارٹیاں مل کر 22 ہزار لوگ نہیں لا سکے۔فیصل جاوید خان نے نجی ٹی وی سے گفتگو کرتے ہوئے کہاکہ پی ڈی ایم !!!! انا للّٰہ وانا للّٰہ راجعون، مینارپاکستان پر یہ ولیمے کا فنکشن تو ہوسکتا ہے، جلسہ نہیں۔فیصل جاوید خان نے کہا کہ ایسا جلسہ تو کر لیتے کہ اپنے جلسوں کی تصاویر سوشل میڈیا پر لگاتے، انہوں نے ہمارے پرانے جلسوں کی تصاویر لگائیں، مذاکرات کے لیے آئیں لیکن این آر او نہیں ملے گا۔سینیٹر فیصل جاوید خان نے کہاکہ فیٹف پر یہ مذاکرات کے لیے بیٹھے تو مشروط کردیا۔
